I tidlegare blogginnlegg har ein sett at forskingsfeltet historiedidaktikk dei siste 20 åra har interessert seg for korleis historiske framstillingar verkar i ulike sosiale, kulturelle og politiske prosessar i samtida. For å undersøkje dette har ein nytta omgrepet historiebruk, at ulike aktørar i samfunnet kan mobilisere historia for å oppnå bestemte mål, og omgrepet historiemedvit, at menneske orienterer seg i tid på bakgrunn av historiske erfaringar og kunnskap. Med desse omgrepa i mente vil ein kunne skimte det interessante i mitt avhandlignsprosjekt, der eg studerer historiske framstillingar i undervisningsmateriell som omhandlar rom og romanifolket.
Merkelapp-arkiv: Historiebruk
Minoritetshistorie på museum
I den siste utgåva av tidsskriftet Nordisk Museologi (nr.2, 2015), kan ein finne ein artikkel av underteiknande. Utgåva er eit tema nummer med tittelen Rethinking Sámi Cultures in Museums, og er eit resultat av ein konferanse med same namn, halde ved Universitetet i Oslo i november 2014. Du finn ein oversikt over bibliotek som har tilgang på tidsskriftet her. Min artikkel handlar om framstillinga av samisk historie ved utstillinga Sápmi –en nasjon blir til, ved Tromsø Museum, og framstillinga av romanifolket sin historie ved utstillinga Latjo-Drom – Romanifolkets/taternes kultur og historie, ved Glomdalsmuseet. I artikkelen undersøkjer eg korleis den historiske framstillinga var meiningsbærande innan eit endra museumsfagleg og etnopolitisk landskap. God lesing.